इन्द्रेणीपोष्ट
काठमाडौँ, ४ साउन – नेपाल कम्युनिष्ट पार्टी एमाले का अध्यक्ष तथा प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच आज च्यासलस्थित पार्टीको केन्द्रीय कार्यालय च्यासलमा भेटवार्ता भएको छ।
पूर्वराष्ट्रपति भण्डारीले हालै पार्टीको सक्रिय राजनीतिमा सहभागी हुने घोषणा गरेपछि एमाले भित्र यसबारे चासो र बहस सुरु भएको छ। सोही सन्दर्भमा आजको भेटलाई औपचारिक छलफलको रुपमा हेरिएको छ। अध्यक्ष ओलीले पूर्वराष्ट्रपति भण्डारीले घोषणा अघि पार्टीसँग कुनै छलफल नगरेको उल्लेख गर्दै यो विषय पोलिटब्युरो र सचिवालयमा समेत उठाइसक्नुभएको छ।
शनिबार सम्पन्न एमाले पोलिटब्युरो बैठकमा अधिकांश सदस्यहरूले पूर्वराष्ट्रपतिले गरिमामय पद सम्हालिसकेको व्यक्ति भएकाले सक्रिय राजनीतिमा सहभागी हुनु उचित नहुने धारणा व्यक्त गरेका थिए ।
एमाले केन्द्रीय कमिटीको बैठक सोमबारदेखि सुरु हुँदैछ। उक्त बैठकमा पनि भण्डारीको सक्रिय राजनीतिमा सहभागिताको विषय प्रमुख एजेन्डा बन्ने अपेक्षा गरिएको छ।
मंगलबार, भदौ १० गते २०८२
Aug 26 2025 Tuesday
